爲咗防止新型冠狀病毒感染嘅肺炎疫情傳播擴散，廣東省新型冠狀病毒感染的肺炎疫情防控指揮部辦公室決定，由2020年01月26日通告發出來開始，喺廣東省公共場所搞戴口罩嘅控制措施，幾時唔搞會發通告講。（粵防疫指辦通〔2020〕1號）

提提你：乘搭廣州市地鐵、巴士、有軌電車、水巴（渡輪）、的士、公路客運等公共交通工具，同埋入商場（店）、書店、博物館、酒店、飯館、咖啡室、候診室、候車（機、船）室等人群聚集嘅公共场所，要戴上口罩。

如果身體唔舒服就要及時去正規醫院睇醫生，如實噉同醫生講自己14日內嘅外遊記錄。如果有嘢想問，可以打廣州衛生熱綫12320諮詢。

到2020年01月28日 20:51爲止，廣州市公共交通大致正常提供服務。廣東省人民政府01月27日話廣東各地唔會「封城」（限制人員及車輛進出）。
地鐵巴士有軌電車水巴(渡輪)
廣州地鐵取消原定1月29~30日大部分路綫延長服務1小時的安排，2號綫、3號綫除外。水上巴士S2、S5a、S13a及如約路綫已停航，其餘路綫正常提供服務