iPublicTransport
呢個係我哋嘅英文全名，開頭嘅 i 係小寫，簡稱iPT。中文叫「公共交通資訊」。
呢個係一個提供公共交通服務資訊嘅非官方網站。
點解要整呢個網站？
我哋想用美觀、易用、多語言同埋冇營利性廣告嘅方式，發放公共交通服務相關資訊。
美觀
我們努力用更美觀嘅網頁設計，來展示唔同類型嘅資訊。
比起淨係將巴士路綫圖打橫噉換行展示，我哋喺巴士路綫頁用返同日常認識習慣更啱嘅豎排兩欄展示（單向或者循環綫就梗係得一欄），喺巴士站資訊頁就打橫唔換行噉展示。
我哋亦都自己整咗包埋廣州地鐵集團子公司營運嘅有軌電車同城際鐵路路綫在內嘅「廣州地鐵綫網路綫圖」，用PNG同PDF格式釋出。
易用
上邊講到嘅「廣州地鐵綫網路綫圖」我哋重整埋網頁版，撳一撳就可以睇返車站頭尾班車時間。
有地鐵站做緊客流管制措施或者臨時閂咗嗰時，喺網站主頁同地鐵路綫頁可以睇到相關即時資訊。
喺地鐵、有軌電車路綫頁，你淨係需要簡單噉撳下車站名，就睇到各個站頭尾班車時間。我們亦都根據網絡公開資料放埋「下一班快車」資訊。
喺水巴路綫頁，我們亦有「下一班」水巴班次嘅資訊。
跨地域出行亦都變得稀鬆平常，我們亦積極收集全國交通一卡通互聯互通相關資訊，整理製作出「交通聯合卡適用地區」查詢工具。
多語言
我們努力提高網站多語言化程度。而家支援中文(中國，簡化字)、中文(港澳，繁體字)、中文(臺灣，正體字)、英文、韓文同日文。
成個網站所有中文頁面都可以按地區切換用字、地區用詞，絕大部分頁面會由程式自動轉換。
地鐵、有軌電車同水巴資訊頁已支援所有語言；巴士資訊頁已支援中文、英文，部分巴士站基礎資訊支援韓文。
冇營利性廣告
冇錯，冇營利性廣告。我哋並唔係營利性網站，家下網站營運成本都由網站主承擔。
網站以外嘅傳播
我哋亦努力促進市民瞭解並多啲使用公共交通，推廣交通卡乘搭公共交通嘅相關資訊。
我哋會用微博、Twitter等社交平臺發放資訊，亦會自發解答社交平臺上市民嘅疑惑，同埋宣傳公共交通資訊。
幫我哋做好啲
如果有意見同建議，又或者係見到資訊有缺失或錯咗，請通過下邊嘅意見反饋表單連結話畀我哋知。
意見反饋表單
多謝
KOP-SEE、wongkwanyiu、蝴蝶作出嘅數據編輯，
Keith Wong 提供資訊，
同埋其他 資訊提供者、服務同開放原始碼計劃 的協助。